18 Mei, 2008

Lu PiKiR gW aPaAn!!!

Umar lagi asik-asiknye nonton bola depan tepe, tau-tau bininye nyelonong

"Bang, lampu teras putus, tolong gantiin ame yang baru dong ...".

"Ape ... ? Masang lampu ?!?!, lu kire gue PLN apah ?!?!" sahut Umar enteng.

"Ya udeh kalo kaga mau, benerin aje keran kamar mandi, itu tuh aernya ampe luber-luber".

"Benerin keran ?!?!, lu kire gue PDAM kali ... !!!"

"Ya udeh, kalo lu pegi beli rokok ke waroeng aye mau nitip minyak".

"Lu kagak bisa liat orang lagi enak nonton kali ye, lu kire gue PERTAMINEEE ...apee !!!"

Umar sewot lantaran berasa digangguin terus, Umar ngeloyor ke rumah tetangge,
balik-balik jam 3 pagi.

Tapinye Umar kaget lantaran terasnye udah terang.
Terus ke kamar mandi, aer udah kaga luber-luber,
ke dapur jerigen minyak juga udah full tank.

Paginye Umar nanya ama bininye : "Lu minta tulung ame sape ... ?"

"Gini bang, abis abang minggat, gue nangis di teras.
Terus ade cowok ganteng lewat nanyain gue.
Gue cerite ape adenye, juga soal lu sewot.
Terus die nawarin buat ngebantuin, tapi ada saratnye".

"Ape saratnye", Umar pengin tau.

"Saratnye bisa pilih, gue bikinin die roti atau tidur ame die ..."

"Terus lu bikinin die roti ape ... ?" Umar ngedesek.

"Bikinin roti ?!?!

Lu pikir gue HOLAND BAKERY ape ... ?!?!"